ومال لقلبي يرمي بشرار
شاعلة فقلبو جمرة 
مال قلبك ما جابخبار 
واش ما وصلاتك هدرة 
لكلام لمرصع فقد المداق الحرف البراق ضيعالحدة
ياك الدل محاك يا سدي عفاك 
وكلمت عفاك ماتحيد شدة 
اه يابنادم يابني ادام
ديرليك لجام 
راك تايه تحلم 
كيف نصبر؟ونتيا زايد فلهيب ناركتحرق قلبي 
واش نو دنبي ؟
اه يا بنادم 
لكلام لمرصع فقد المداق الحرفالبراق ضيع الحدة
ياك الدل محاك يا سدي عفاك 
وكلمت عفاك ماتحيد شدة
اه يابنادم يا بني ادام 
راه مولاك حسيب 
نقص من التخريب 
سرك خبيه الى بغيتيتسلم 
اه يا بنادم 
حطوني فمكان يشبه القبر كله حزان لازم نصبر 
اه يابنادم 
لكلام لمرصع فقد المداق الحرف البراق ضيع الحدة
ياك الدل محاك يا سديعفاك 
وكلمت عفاك ماتحيدشدة

...تتمة


مال الحراز الدامي ما يتيق بي هيهات
غير حاضي الاوقات
في ثيابو مسلم وافعايلو رومية

(جيت لو في صفة الغلام
نخدمو طاعة دون كلام) *2
قلت أسيدي أنا وصيف
المحرر حررني اللي شراني
ودعني فسبيل ربي
قصدتك لاكرام قلبي
ونويت الخير فيك
جابتني الايام ليك
وانا مرزاق
وأسمي مبارك
واللي مبروك تخدمو الاحرار مع العبيد
انت ودك ربي من متاعو واعطاك المال
لا تكني ما عندك
مني دام لو
حيت انت راجل الوحيد
وانا نتسخر ليك فالمسايل البعاد مع القريب
عسى تعمل لي شي نصيب *2
الكسوة والصباط
الايجارة يسمح فيها عبد الجواد
إلا قبلو عليه إحوزوه و يكرموه ما يدوزوه
وهو ما يدوز سيدو
و الدنيا سايرة والايام تفوت
خود ليك راحة واغنم وقت السرور
وانا نتسخرليك شين تامرني
وخفيف العضام مسروق على الرمشة
كل ما تمرني ضني نفعلو
هدا حق الوصيف
الطاعة لسيادو
قال لي سير فحالك
لا تطوف بي لا تقربني
ما نخالط الكحل و ما نعاشرو
طول زماني ما كسبت الكحل
ما خالطتو ما حملتو ما عاشرتو ما قبلتو
ما عندي خير فيه
غير إلى كان خلوق فمكاني و زيادة فالمراح
وانا ظاهر لي فيك جيتي تختلني
تغدرني فشي مسالة بعّد مني و سير
كفّي لا تمشي دون غرض
يا بو دعوات
يا قبيح الخزرات
كل من كسبك عندو فيك غير السيئة
قلت لو خاف الله لا تكون
تجهل الاشيات
الاخلايق صفات
كل خلق اسرارو في ادواخلو مكنية
قال لي سير فحالك
لا تكون تحضي الغرات
من خيار البيتات
ما نكسبك و لو نسكن فأرض خلية
عسّاك أنا بقبيلتي و ناسي عزوات
رادّين الكسرات
ما وقفت عليك لسخرة و لا لحمِيَّة...

لله يا الشمعة سالتك ردي لي سآلي
................ وش بيك فالليالي تبكي مدى انت اشعيلا
*****
علاش يا الشمعة تبكي ما طالت الليالي
................وش بيك يالي تتهيء لبكاك فكل ليالي
وعلاش كتباتي طول الديجان كتلالي
.............. وش بيك يا لي ما رينا لك فلبكا امثيلا
علاش كتساهر داجك ما سهرو نجالي
................وش بيك يالي وليتي من ذا البكا عليلا
وعلاش باكيا روعتي ناس لهوى امثالي
.............. وش بيك يا لي تنصرفي بدرارك الهطيلا
علاش باكيا وانت فمراتب المعالي
............... وش بيك يالي فيك اوصاف العاشقين صلا*صلة
وعلاش باكيا مدالك للباكي وسالي
.............. وشبيك يالي ظاهر حالك حالة لى وحيلا
اذا نشوف لصفرارك يصفارلو خيالي
.............. واذا نشوف دبلتك زادت لخاطري دبيلة


*******
سلتك بالله عيد لي اش جرالك
........ وعلاش باكيل مدا لك
...............وش كان قصتك وش انهو داك
اش نهو داك باش رق خيالك
........... وكمن قامتك حنحالك
.................وتبات باكيا لحبابك وعداك
لي دون خفا احكي بما فدخالك
........... وروي قصتك نصغى لك
.................. وانا قصيتي بها نتعداك

لو جيت يا الشمعة نحكي لك كل ما اجرى لي
...............تنسى غرايبك وتصغي لغرايبي طويلا
اذا باكيا من نارك نيران في ادخالي
...............عدات كل نار فداتي وجوارحي عليلا
واذا باكيا باسقامك شوفي اسقام حالي
............... من قيس وارثو بعد فناه اسقام حب ليلى
واذا باكيا بفراقك مفروق عن اوصالي
............. وعلى الفراق صابر وش صبرني علالعقيلا
وانت منين جاك تحكي لي اولي وتالي
.............ما فارقة خليل بحالي ما فارقة خليلا
تقول باكيا عند خيام السمر والليالي
.............. ولا على بطاح وما دار فمقام ليلى
ولا على فراق الي عشق حيها بحالي
.............عربان آمنوابالمختار شحال من قبيلا

سللتك لله عيد لي ما اصابك ........ اش كان سبتك فمصابك


لي احكي خطابك وانا نصغاك

يستغرب من لا تحدثو بخطابك....... الغريم فاللغا يسطابك

ويجول في حديثك وجواب لغاك

لو كنت ذات شاكية بعذابك......... يرباوا بالدموع اهذابك

لو كان ليك تصرخي بلغاك


بلسان حالها قالت لياما اخفاك حالي
............. يكفاك يا السايل عن حالي حالتي وحيلا
في صولة العمالة كنت وكانوا لي رجالي
..............قبايل لجناح لا تحكي كيفها قبيلا
يشيدو بروج من لعمالة كل برج مالي
............ويعمروا بروج من مواهب ربنا جزيلا
فيهوم كيحجبو كيف الملوك فالليالي
..........وايام الربيع يخرجوا للبطايح الحفيلة
طلاب جاو ا هزمو بالحامية ابطالي
........... تركوني بعد العز فحالتي ذليلا
وليت للعصارةشهدة صفاوا من امصالي
........... صابوه قوت ودوا للذات الفانية العليللا
ومن امصالي صفاو شماعي يا لي صغا لي
............ وحكايتي للقدام القصة باقيا طويلا
***************
اسايلني يتدبروا لمسالك ......... تركوا حشاي في هالك

لو كان من الهند قوامي تهلاك

داروني فتخوت زي ما يبدا لك ....... تبغي فقلبها عذالك

يتختوا حتى اسمتواو بلاك

وخرت من لتخوت لمهالك ......لقساوة الشموس كذلك

ذاتي يقصروا بهواجر وفلاك

وعلفتيل لفو توراقي يا لي صغا لي
.............وبلا هوادة شعلوا فمواسطي فتيلا
ومتون من اطرافي تنشيها بلا عوالي
............ونلوحها على الحسكة قطرةصافية صقيلا
نتفكر لعمالة وتزيد افراقها نكالي
.............نتفكر القصرة ونعود قلايدي هليلا
نتفكر العصارة وهجير الشاردة قبالي
........... ونقول وادب بكاي على ما صار لي اقبيلا
يحق لي بكاي على الغربة ما وجدت والي
........ ...في مسلمين حبابي وسلامتي قليلا
شحال منهلاك جرى لي كيف ما نبالي
............يا شوم ليعتي وبكايا وصادفت كل حيلا

شحال من عذاب جرى لي اما الشعيل تالي
............هذا عشور فالواقع بيا غاية القتيلا
سال اهل الحضرة اذا فرقت ابطالك ......وقبايل الجناح رجالك
راك مع ارجالن يزهاو معاك
بفنهوم يدركو ما يزها لك......وعلى السرور نادى فالك
وديار كيراعيوا كما يرعاك

بيك يسهر فكل داج الحالك.....واذا ينصرف مشعالك

تدعي بالفراق ويقبال دعاك

تبات يا الشمعة تبكي وانت فشان عالي
.......... وجدوك يا الشمعة فمجالس رايقة حفيلا
وتبات يا الشمعة ترتي فضريح كل والي
............وفشحال من مقام يشعلوك اهل الوسيلة
وتبات يا الشمعة بين اهل المال والموالي
............وعليك كيصرفو الاموال الطايقة الثقيلا

وتبات يا الشمعة فمساجد ربنا العالي
............ وعليك كيخرجو السلكات فليلة الفضيلة
وتبات يا الشمعةبين اهل الشرح والامثالي
............وعليك تنشرح كتوب بازغة جميلا
وتبات يا الشمعةبين العشاق ولغوالي
............ وعليك كيشاهد الخليل محاسن لخليلة
نبغيك با الشمعة تبكي في الحرة الليالي
.............وانا على ذنوبي نبكي فمقام دار ليلى

ذكرني يا حبر اللغا بشعارك ...... لي يخبروا بخبارك

يدريو من يكون سواي وسواك

ناري نحكيها لكم لعشور فنارك......وسرارها تجي لسرارك

قصة من قصايص عشقك وهواك

فاش يجيوا يقلبو دينارك......من خالص الذهب عيارك

يخفى على الذي ما داواه دواك


شحال قلت لها من قوم يطالبو جدالي
.......... وشحال من جحود من جدالي باقيا جديلا
شحال من عقود عليهم تذكار من لآلي
.......... مشهودة عليهم بمعاني رايقة نبيلا
واذا نتبع عداي بعد الهروب من قوالي
........... نيشاني يلحقهم وصوارمي ثقيلا
غابوا اهل الهوى واضحىسوقي منهم خالي
.......... ولاو بيه يدعيوا من لا لهم بيه صيلا
الصمت خير لي من قومان سكاتها اولى لي
...........من لا بفايدة فادوني المعارف الرديلا
لو كان قاصهوم هواي يستحسنوا قوالي
........... تسلم قلوبهم بالسنة والفرض والنفيلا
وسلام ربنا للودبة ما فاحت لغوالي
............ بالورد والزهر ونسري ونسايمو وسيلا
واسمي نبينو ما يخفى موضوح في ازجالي 
محمد الشريف بن علي ولد الرزين صيلا

كلمات " لعروسة " أشهر أغاني الفنان محمد المزكلدي  

لعروسة لعروسة ... لعروسة زينة 

لعروسة لعروسة ... حلوة و فنينة * 

و عريسها شاب ظريف 

و فشكلو باين لطي 

هو يبغيها 

هي تبغيه 

من قلبو يحن عليها 

من قلبها تحن عليه 

لعروسة زينة ... لعروسة زينة  

لحباب و لصحاب دايرين بيها 

تيهنيو تيحييو 

تيهنيو و يحييو 

و يباركو و يزيدو و يغنو و يعيدو 

و النجاف صايحين 

"السلام على رسول الله لا جاه إلا جاه سيدنا محمد الله معاه الجاه العالي" 

لعروسة مرهونة ... ها هي مرهونة 

فبيت باها مرهونة ... ها هي مرهونة 

فبيت جداها مرهونة ... ها هي مرهون 

ها لعروسة مرهونة ... ها هي مرهونة 

فبيت باها مرهونة ... ها هي مرهونة 

فبيت ختها مرهونة ... ها هي مرهونة 

لعريسها مرهونة ... ها هي مرهونة 

فبيت لعريس مرهونة ... ها هي مرهونة  

ها لحجوب عليك يا زين لعرايس 

ها الزين الفتان ... ها هو 

ها غصين البان ... ها هو 

ها الهمة و الشان ... ها هو 

ها غزال الغزلان ... ها هو  

ها لحجوب عليك يا زين لعرايس 

ها الزين المسرار ... ها هو 

ها منور الدار ... ها هو 

ها الحشمة و الزين ... ها هو 

ها كحل العينين ... ها هو

ها لحجوب عليك يا زين لعراس ... يا زين لعرايس

كلمـات علي الحداني  

الحـان محمد بنعبد السلام  

صاحب الأغنية نعيمة سميح 

السنة1973

الله عليها قصارة 

زرت و نفعاتني زيارة

و نعمت بساعة حداه

و عشت بين هاك ورا

و حلات الجلسة معاه

و بدات قلوبنا تبارى

و البارع يحكي هواه

الله عليها قصارة

العشيق تلاقى بخاه

**********

صار الهوى يلعب لعبو

ياتي بالمايا و الأشعار

صار قلبي يمحي آثار عذابو

محايني و لهيب النار

صار قلبي يهمس فودان حبابو

خايف اللحظة لا تقصار

الله عليها قصارة

**********

الليل معانا باحلامو

فن و جمال و حكايات

رطب شواقنا بانسامو

ذوقنا حلاوة الحياة

و بلغ بينا الهوى حدو

و حنا ما زال عاد فالبدو

و الحب يباركها عشرة

يهدينا أحلى ما عندو

الله عليها قصارة

العشيق تلاقى بخاه

**********

عمري ما حسيت أنا

بهاذ النشوة و بهاذ الهنا

أول مرة شافت عيني

يا ناس الفرحة فرحانة

فعيون حبيبي شايفها

بقلبي و بروحي حاملها

الله عليها قصارة

العشيق تلاقى بخاه